Á dögunum voru tilnefningar til Eddu-verðlaunanna tilkynntar. Þættirnir um Ævar vísindamann fá heilar þrjár tilnefningar; Besta barna- og unglingaefnið og Besti lífstílsþátturinn og svo er Ævar tilnefndur sem Sjónvarpsmaður ársins. Þetta er mikill heiður og við þökkum kærlega fyrir okkur. Áfram íslenskt barna- og fjölskylduefni! :) Fyrir þá sem vilja lesa tilnefningalistann eins og hann leggur sig má benda á www.eddan.is
Þín eigin þjóðsaga - sem seldist upp á síðasta ári - er komin í kilju. Í þessari útgáfu bókarinnar má finna tvisvar sinnum fleiri myndir, og geta lesendur þá loksins virt fyrir sér dansinnn að Hruna, Kölska í Svartaskóla, Djáknann á Myrká og Grimms-bræður sem uppvakninga. Bókin er komin í búðir um land allt.
