Ævar Þór Benediktsson

ANNAÐ

VELDU NÚNA (2021)

Gagnvirkur eltingaleikur um götur Reykjavíkurborgar sem vekur athygli á heimsforeldrum UNICEF. Þú talar við símann þinn og segir hvert persónur eltingaleiksins eiga að fara næst og hvað þau eiga að gera.

Sett í loftið á slóðinni www.veldununa.is vorið 2021.

Höfundar: Ævar Þór Benediktsson og Arnór Pálmi Arnarson.

Leikstjóri: Arnór Pálmi Arnarson.

Leikarar: Snorri Engilbertsson, Aníta Briem, Kristbjörg Kjeld, Oddur Júlíusson ofl.

Hér má lesa meira um verkefnið.

ÆVINTÝRATÓNLEIKAR ÆVARS OG SINFÓ (2018)

Í febrúarbyrjun 2018 hélt Ævar átta tónleika með Sinfóníuhljómsveit Íslands í Eldborgarsal Hörpu. Á fyrstu sex tónleikana var nemendum í 5.-7. bekk í grunnskóum Höfuðborgarsvæðisins boðið (ásamt landsbyggðinni sem fylgidist með í gegnum Sjónvarp Símans), en á síðustu tvo (sem voru lengri og viðameiri) var selt inn.

Á tónleikunum, þar sem Ævar stjórnaði lagavalinu, var stiklað á stóru um alls kyns ævintýri, persónur sem finna má í þeim og svo var frumflutt glænýtt tónverk, eftir Sigurð Helga Odsson, sem unnið var upp úr bók Ævars, Þinni eigin þjóðsögu.

Myndvinnsla á tónleikunum var í höndum Svart.

VÍSINDATÓNLEIKAR ÆVARS OG SINFÓ (2016)

6. febrúar 2016 hélt Ævar átta tónleika með Sinfóníuhljómsveit Íslands í Eldborgarsal Hörpu. Á fyrstu sex tónleikana var nemendum í 5.-7. bekk í grunnskóum Höfuðborgarsvæðisins boðið (ásamt landsbyggðinni sem fylgidist með í gegnum Sjónvarp Símans), en á síðustu tvo (sem voru lengri og viðameiri) var selt inn.

Á tónleikunum, þar sem Ævar stjórnaði lagavalinu, var stiklað á stóru um helstu uppgvötanir og rannsóknir mannkynsins í bland við falleg tónverk sem tengdust þeim.

Tónleikarnir voru teknir upp af RÚV og eru endursýndir reglulega.

DÝRIN Í HÁLSASKÓGI - GEISLADISKUR (2012)
TEXTI UNNINN UPP ÚR LEIKRITI THORBJÖRNS EGNERS

Haustið 2012 vann Ævar sögumannstexta upp úr leikriti Thorbjörns Egners um dýrin í Hálsaskógi.

Lilli klifurmús leiðir hlustendur gegnum leikritið, milli þess sem íbúar skógarins dúkka upp og flytja lögin úr verkinu.

Gefið út af Þjóðleikhúsinu árið 2012.

BÍÓRÁÐ ÆVARS VÍSINDAMSNNS (2012)

Sumarið 2012 voru teknir upp litlir sketsar fyrir Senu. Þetta eru 1-2 mínútna löng atriði þar sem Ævar vísindamaður kennir krökkum í Smára- og Háskólabíói hvernig best er að haga sér í kvikmyndahúsum svo allir geti nú örugglega notið ferðarinnar.

Sketsarnir voru fjórir:

Hvert á ruslið að fara?
Mundu að kveikja aftur á símanum þínum þegar myndin er búin.
Ekki sparka í sætið fyrir framan þig - þótt myndin sé rosalega spennandi.
Munum að við erum ekki ein í bíósalnum - verum alltaf tillitssöm.

Leikstjórn: Jóhannes Haukur Jóhannesson
Kvikmyndataka og eftirvinnsla: Trickshot